Ministru Estadu no Prezidénsia Konsellu Ministru no
Portavós Ofisiál Governu Timor-Leste
Dili, loron 12 fulan-fevereiru tinan 2015
Governu Konstitusionál VI hala’o sorumutu ho membru Governu sira
Membru foun tolunulu-resin-ualu husi Governu Konstitusionál VI Timor-Leste nian hala’o sorumutu horseik kalan iha Díli, hodi diskuti kona-ba sira nia planu ba loron hirak tuir mai. Gabinete Prezidente Repúblika fó sai kona-ba kompozisaun Governu nian liuhosi komunikadu imprensa ida iha momentu ne’ebé hakotu ona sorumutu ne’e.
Iha estrutura Governu foun nian, iha dependénsia ba Primeiru-Ministru, Dr. Rui Maria de Araújo, mak Ministru Estadu no Prezidénsia Konsellu Ministrus, Ágio Pereira, hamutuk ho Ministru Estadu na’in tolu ho funsaun koordenasaun nian: Fernando La-Sama de Araújo hanesan Ministru Estadu, Koordenadór ba Asuntu Sosiál no Ministru Edukasaun; Estanislau da Silva nu’udar Ministru Estadu, Koordenadór ba Asuntu Ekonómiku no Ministru Agrikultura no Peska; no Dionísio Babo Soares hanesan Ministru Estadu, Koordenadór ba Asuntu Administrativu no Ministru Administrasaun Estatál.
Kay Rala Xanana Gusmão sei hala’o knaar fundamentál ida nu’udar Ministru Planeamentu no Investimentu Estratéjiku.
Hosi estrutura foun mós halo parte Ministru sanulu-resin-ida, Vise-ministru sanulu-resin-ida no Sekretáriu Estadu sanulu, hodi halo hamutuk tolunulu no membru ezekutivu ualu, ne’ebé reprezenta redusaun ida maka’as tebe-tebes haree ba membru Governu Konstitusionál V ne’ebé kompostu hosi membru limanulu-resin-lima. Lista membru sira Governu foun nian tau iha aneksu komunikadu ida ne’e nian.
Liuhosi sorumutuk iha kuarta-feira kalan, sira ko’alia prioridade sentrál rua ba Governu foun: ida maka koordenasaun hamutuk hosi membru Governu hotu-hotu hodi to’o objetivu sira Planu Estratéjiku Dezenvolvimentu nian no ida seluk maka haree liubá rezultadu sira ne’ebé hetan. Kria estrutura foun ne’e hodi hatán ba prioridade hirak ne’e.
Iha segunda-feira dadeer, tuku 8.30, sei halo misa ida hosi Dom Basílio, iha Katedrál Dili, ba membru foun sira Governu nian. Serimónia Fó-Pose nian sei hala’o iha tuku 15 iha loron ida ne’e dunik, segunda-feira, iha Salaun Nobre Palásiu Prezidensiál Lahane nian.
|
Kargu |
Naran |
|
Primeiru-Ministru |
Rui Maria de Araújo |
|
Ministru Estadu Prezidénsia Konsellu Ministrus |
Agio Pereira |
|
Ministru Estadu, Koordenadór Asuntu Sosiál no Ministru Edukasaun |
Fernando La-Sama de Araújo |
|
Ministru Estadu, Koordenadór Asuntu Ekonómiku no Ministru Agrikultura no Peska |
Estanislau da Silva |
|
Ministru Estadu, Koordenadór Asuntu Administrasaun Estadu nian no Justisa no Ministru Administrasaun Estatál |
Dionísio Babo Soares |
|
Ministru Negósiu Estranjeiru no Kooperasaun |
Hernâni Coelho |
|
Ministra Finansas |
Santina Cardoso |
|
Ministru Justisa |
Ivo Valente |
|
Ministru Saúde |
Maria do Céu Sarmento Pina da Costa |
|
Ministru Solidariedade Sosiál |
Isabel Amaral Guterres |
|
Ministru Komérsiu, Indústria no Ambiente |
António da Conceição |
|
Ministru Turizmu, Arte no Kultura |
Francisco Kalbuady Lay |
|
Ministru Obras Públikas, Transportes no Komunikasaun |
Gastão de Sousa |
|
Ministru Petróleu no Rekursu Minerál |
Alfredo Pires |
|
Ministru Defeza |
Cirilo Cristóvão |
|
Ministru Interiór |
Longuinhos Monteiro |
|
Ministru Planeamentu no Investimentu Estratéjiku |
Kay Rala Xanana Gusmão |
|
Vise-Ministra Edukasaun I |
Dulce Jesus Soares |
|
Vise-Ministru Edukasaun II |
Abel da Costa Ximenes |
|
Vise-Ministru Agrikultura no Peska |
Marcos da Cruz |
|
Vise-Ministru Administrasaun Estatál |
Tomás do Rosário Cabral |
|
Vise-Ministru Negósiu Estranjeiru no Kooperasaun |
Roberto Sarmento de Oliveira Soares |
|
Vise-Ministru Finansas |
Hélder Lopes |
|
Vise-Ministra Saúde |
Ana Isabel Soares |
|
Vise-Ministru Solidariedade Sosiál |
Miguel Marques Manetelu |
|
Vise-Ministru Komérsiu, Indústria no Ambiente |
Constâncio da Conceição Pinto |
|
Vise-Ministru Obras Públikas, Transporte no Komunikasaun I |
Januário da Costa Pereira |
|
Vise-Ministru Obras Públikas, Transporte no Komunikasaun II |
Inácio Moreira |
|
Sekretáriu Estadu Konsellu Ministrus |
Avelino Maria Coelho da Silva |
|
Sekretária Estadu Asuntu Parlamentár |
Maria Teresinha Viegas |
|
Sekretáriu Estadu Komunikasaun Sosiál |
Nélio Isaac Sarmento |
|
Sekretária Estadu ba Apoiu no Promosaun Sósiu-Ekonómika ba Feto |
Veneranda Lemos Martins |
|
Sekretáriu Estadu Juventude no Desportu |
Leovigildo Hornay |
|
Sekretáriu Estadu ba Polítika Formasaun Profisionál no Empregu |
Ilídio Ximenes da Costa |
|
Sekretáriu Estadu Fortalesimentu Institusionál |
Francisco da Costa Soares |
|
Sekretáriu Estadu Administrasaun Estatál |
Samuel Mendonça |
|
Sekretáriu Estadu Terra no Propriedade |
Jaime Xavier Lopes |
|
Sekretária Estadu Arte no Kultura |
Maria Isabel de Jesus Ximenes |