Governu Timor Leste hala’o Diálogu Dezenvolvimentu nian kona-ba Lideransa no Tranzisaun Demokrátika
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 6 fulan-fevereiru tinan 2015
Governu Timor Leste hala’o Diálogu Dezenvolvimentu nian kona-ba Lideransa no Tranzisaun Demokrátika
Governu Timor-Leste hala’o ona Diálogu ida kona-ba Lideransa no Tranzisaun Demokrátika, ne’ebé haree liuba hanoin sira hosi Ázia nian. Sorumutu ne’e hala’o iha sesta-feira ne’e loron 06 fulan-fevereiru, iha Centro de Convenções Dili {Sentru Konvensaun Dili}no sai nuudar oportunidade ida hodi konsidera esperiénsia sira Timor-Leste nian iha kontestu ida ne’ebé luan hosi lala’ok dezenvolvimentu nasaun sira seluk iha rejiaun nian, ne’ebé haree liu ba esperiénsia Singapura nian.
Dra.Noelen Heyzer, Sub-Sekretáriu-Jerál Nasoen Unidas no Konselleiru Espesiál Sekretáriu-Jerál Nasoens Unidas nian ba Timor-Leste aprezenta ona oradór prinsipál, Profesór Kishore Mahbubani, Dekanu ba Lee Kuan Yew School of Public Policy hosi Universidade Nasionál Singapura nian.
Profesór Kishore Mahbubani, espesialista iha”Rising Asia” (halo buras iha Ázia), hahuu hodi koa’lia nia ligasaun ho Timor-Leste, ne’ebé temi kedas hositinan 2002, wainhira hasoru malu ho líder sira Xanana Gusmão no Marí Alkatiri iha debate ida ne’ebé organiza hosi Nasoens Unidas.Nia aprezentasaun haree liu ba saida mak konsidera hanesan razaun prinsipál sanulu ba susesu Singapura nian.
Pontu ida hosi pontu sira seluk programa nian maka diálogu nivel aas ida entre Primeiru-Ministru Timor Leste nian, Kay-Rala Xanana Gusmão, Eis Primeiru-Ministru no atuál Prezidente Autoridade Rejiaun Administrativa Espesiál Oe-Cusse Ambeno no Zona Espesiál sira Ekonomia, Sosiál Merkadu Timor-Leste nian Dr.Marí Alkatiri no Profesór Kishore Mahbubani, nuudar moderadór maka Hélder da Costa, Sekretáriu-Jerál Sekretariadu g7+. Publiku mós hola parte hodi hato’o kestaun sira. Resposta sira temi liu ba nesessidade ba periodu mínimu ida hosi tinan 30 to’o 40 hodi hari’i Intituisaun sira Estadu nian, tempu ne’ebé presiza hodi hametin Estadu bainhira iha sosiedade ida ho kultura oi-oin, hodi konsidera mós preparasaun atu tama ba ASEAN no importánsia atu iha kompromisu ida ne’ebe simu entre lider sira bainhira hahú Estadu dezenvolvimentu nasaun nian.
Portavós V Governu Konstitusionál nian, Ministru Estadu Agio Pereira, afirma katak “ Diálogu ne’e fo dalan ba ita atu konsidera ita ninia dezenvolvimentu iha kontestu Singapura nian, aprende hó ninia esperiénsia no hare kona-ba ita nia ho hanoin foun ida. Ministru Agio Pereira fo agradese Noeleen Heyzer ba kontribuisaun nu’udar konselleira espesál Sekretáriu-Jeral Nasoins Unidas nian ba Timor-Leste.
