Ministru Administrasaun Estatál, Jorge da Conceição Teme, hala’o enkontru ho  reprezentante hosi Banku Aziátiku Dezenvolvimentu – BAD, Allison Woodruff, Iha loron 19-01-2015, iha salaun  Ministériu Administrasaun Estatal (MAE), Dili, hodi ko’alia kona-ba komprimisu ADB atu apoiu Ministériu Administrasaun Estatál hodi rezolve probelema lixu iha kapitál Dili.

Reprezentante BAD iha Timor-Leste, Allison Woodruff hateten, atu konkretiza nota entendimentu ho MAE iha tinan kotuk, ADB  hato’o estudu kona-ba probelema lixu iha kapitál Dili. Tuir Planu, BAD sei aprezenta rezultadu estudu ba programa “Dili urban improvements”  ne’e iha fulan Agostu tinan ne’e.

“BAD mós sei hato’o sujestaun sira ba MAE, oinsá atu rezolve ka hamenus lixu iha sidade Dili hodi halo Dili sai sidade sustentavel ho meiu ambiente di’ak. Nune’e,  tenki iha koperasaun ne’ebé di’ak ho entidade tomak, “Allison woodruff hateten.