Diretór Nasionál no Ajente Polísia Sientífika ba Investigasaun Kriminál Timor-Leste (PCIC) Simu Pose
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 2 fulan-fevereiru tinan 2015
Diretór Nasionál no Ajente Polísia Sientífika ba Investigasaun Kriminál Timor-Leste (PCIC) Simu Pose
Iha semana liubá hahú ona pasu importante ida ne’ebé sei apoia investigasaun polísia nian sira iha luta kontra kriminalidade no hametin administrasaun justisa nian atu serbi ba sidadaun Timor-Leste nian sira.
Iha Ministério dos Negócios Estrangeiros e Cooperação [Ministériu Negósiu Estranjeiru no Kooperasaun], ho prezensa Primeiro-Ministro [Primeiru-Ministru] Kay Rala Xanana Gusmão nian, Diretor Nacional [Diretór Nasionál], investigadór 47 no Peritu hamutuk 31 simu pose nu’udar Polícia Científica de Investigação Criminal (PCIC) [Polísia Sientífika ba Investigasaun Kriminál]. Ema ne’ebé atu lidera Unidade ne’e maka Diretor Nacional, Hermenegildo Gonçalves da Cruz.
Primeiro-Ministro [Primeiru-Ministru] dehan sai katak “Luta kontra kriminalidade sira ho forma foun sira ezije kooperasaun, unidade asaun nian no kompromisu ba ema ema hotu nia di’ak”, hodi promete katak Governo [Governu] no PCIC sei “serbisu hamutuk atu garante apoiu hotu-hotu ne’ebé presiza ba investigasaun kriminál.”
Iha nível nasionál, PCIC sei hala’o serbisu liuhusi kooperasaun ho entidade sira seluk ne’ebé halo investigasaun kriminál, hanesan Polícia Nacional de Timor-Leste [Polísia Nasionál Timor-Leste] (PNTL), Comissão Anti-Corrupção [Komisaun Anti Korrupsaun] no Serviço de Migração [Servisu Migrasaun nian]. Iha fali nível internasionál, PCIC sei hala’o serbisu hamutuk ho INTERPOL no ajénsia sira seluk ne’ebé hala’o serbisu kona-ba krime tranznasionál.
Prosesu atu estabelese PCIC hahú ona iha tinan 2009 ho akordu kooperasaun bilaterál nian entre Ministério de Justiça [Ministériu Justisa] siraTimor-Leste nian no mós Portugal [Portugál] ninian. Iha fulan-maiu tinan kotuk, Dekretu-Lei n.u 15/2014 hetan aprovasaun, hodi kria ofisialmente órgaun polísia kriminál nian ida ne’e.
Formasaun ba pesoál ba sira-nia pozisaun foun sira to’o oras ne’e kompletu ona, ho aula durante fulan ualu iha Portugal, iha instituisaun sira hanesan Academia da Polícia Judiciária [Akademia Polísia Judiciária], Laboratório de Polícia Científica de Portugal [Laboratóriu Polísian Sientífika Portugál nian] no Instituto de Medicina de Coimbra [Institutu Medisina Koinbra nian], tuir fali ho estájiu ida durante tinan rua iha Timor-Leste.
Programa Formasaun nian ne’e hetan tulun finanseiru husi União Europeia [Uniaun Europeia], ho kooperasaun ne’ebé delega iha Portugal liuhusi Camões – Instituto de Cooperação e Língua [Institutu Kooperasaun no Língu]. Iha Serimónia ne’e Diretor Nacional da Polícia Judiciária de Portugal, José Maria Almeida Rodrigues, no Diretor do Laboratório de Polícia Científica de Portugal, [Diretór Laboratóriu Polísia Sientífika Portugál nian] Carlos Farinha, sai hanesan konvidadu onra nian.
Iha serimónia Simu Pose nian ne’e mós, Primeiro-Ministro no Ministro Segurança e Defesa, [Primeiru-Ministru no Ministru Seguransa no Defeza] Kay Rala Xanana Gusmão, ho tutela PNTL nian, no Ministro de Justiça [Ministru Justisa], Dionísio Babo Soares, nu’udar responsável PCIC nian, asina ona protokolu kooperasaun nian ida atu fahe ba malu informasaun, meiu, no rekursu.
Nu’udar rezultadu husi esforsu koordenadu sira durante tinan barak nia laran, agora Timor-Leste iha Polícia de Investigação Criminal ida, independente no estruturada, ho pesoál ne’ebé iha espesializasaun aas, iha ekipamentu tékniku ne’ebé di’ak, ho laboratóriu forense nian ida, no haree loos de’it ba investigasaun kriminál nian.
