Ministério da Justiça de Timor-Leste, [Ministériu Justisa Timor-Leste nian], organiza tiha ona semináriu ida kona-ba “Organização da Investigação Criminal em Timor-Leste”[“Organizasaun Investigasaun Kriminal iha Timor-Leste”. Hetan apoiu husi Programa Justisa nian, ne’ebé mak hetan tulun finansiamentu nian hosi  União Europeia [Uniaun Europeia] liuhosi Camões-Instituto de Cooperação e Língua [Institutu Kamoens Kooperasaun no Lian nian] nune’e mós hamutuk ho parseria estratéjika Polícia Judiciária de Portugal [Polísia Judisiária Portugál nian].

Eventu ne’e hala’o iha loron 29, fulan-janeiru, iha kedas loron ida besik fó pose ba Corpo Especial de Polícia Científica de Investigação Criminal (PCIC) [Korpu Espesiál Polísia Sientífika Investigasaun Kriminal nian] (PSIK), ne’ebé mak sei hala’o iha loron 30, fulan-janeiru iha fatin hanesan, iha Ministério dos Negócios Estrangeiros e Cooperação ]Ministériu Negósius Estranjeirus no Kooperasaun].

Ministru Justisa, Dionísio Babo Soares, maka loke semináriu ne’e, hodi ko’alia kona-ba propózitu hala’o eventu ida ne’e: “atu ita bele sai forte liu, tanba esklaresidu no informadu liu.”

Iha Timor-Leste, investigasaun kriminal ne’e Polícia Nacional de Timor-Leste (PNTL), [Polísia Nasionál Timor-Leste] husi Serviços de Migração, da Comissão Anti-Corrupção (CAC) [Servisu Migrasaun, Komisaun Anti-Korupsaun nian] (KAK) maka hala’o no, oras ne’e hala’o mos hosi Polísia Sientífika Investigasaun Kriminal (PSIK).

Tuir Dionísio Babo Soares, katak semináriu ne’e bele tulun atu esklarese “kompeténsia órgaun polísia kriminál sira idak-idak ne’ebé atua iha kampu investigasaun kriminál” atu bele “garante estabilidade funsionál investigasaun kriminál nian, hodi bele klarifika, rasionaliza no operasionaliza organizasaun investigasaun kriminál, limitasaun iha ámbitu autonomia téknika no táktika polísia sira nian no fahe kompeténsia entre órgaun polisia kiminál oin-oin.”

Iha parte dader nian, sira ne’ebé ko’alia maka Procurador-Geral da República [Prokuradór-Jerál Repúblika nian], José da Costa Ximenes, Comandante Geral da PNTL [Komandante-Jerál PNTL nian], Longuinhos Monteiro, no sira ne’ebé tuir semináriu ne’e maka Comissário da Comissão Anti-Corrupção e o Diretor dos Serviços de Migração [Komisáriu Komisaun Anti-Korupsaun no Diretor Servisu Migrasaun nian].

Ba Ministru Justisa, prezensa hosi individualidade sira ne’e hanesan “sinál ida klaru kona-ba kompromisu ne’ebé impoen hosi objektivu investigasaun kriminál nian, liu-liu atu garante defeza legalidade, defeza Estado de Direito [Estadu Direitu]no atu kombate kriminalidade.”

Hosi parte Portugal nian, ema sira ne’ebé ko’alia maka Diretor Nacional da Polícia Judiciária (PJ) [Diretór Nasionál Polísia Judisiária nian] (PJ), Almeida Rodrigues, Embaixador de Portugal para Timor-Leste [Embaixadór Portugál nian ba Timor-Leste], Manuel Gonçalves de Jesus, no Diretor do Laboratório de Polícia Científica da PJ [Diretór Laboratóriu Polísia Sientífika PJ nian], Carlos Farinha.

Sira ne’ebé mak ko’alia ne’e, foti liu importánsia fahe koñesimentu no esperiénsia espesializada, entre PJ ho sira hirak ne’ebé mak atu sai ajente PCIC/PSIK nian iha tempu oin mai no sira mos tenki tenik fali buat ne’ebé mak importante liu maka órgaun polísia kriminál sira atu hato’o informasaun ba malu hodi la interfere iha kompeténsia idak-idak nian.

Eventu ne’e remata kedas ho debate ida kona-ba “relasionamentu interinstitusionál órgaun polisia kriminál nian sira”, tuir kedas sesaun husu no hatan.