Mensajen apoiu ba sira ne’ebé kombate inséndiu florestál iha Australia
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 7 fulan-janeiru tinan 2015
Mensajen apoiu ba sira ne’ebé kombate inséndiu florestál iha Australia
Governu Timor-Leste hato’o mensajen apoiu no solidariedade ba sira ne’ebé mak hetan inpaktu iha inséndiu florestál iha Victoria Loromonu no iha área Foho Adelaide Australia Sul nian.
Iha loron hirak foin liu ba uma 26 mak hetan destruisaun iha Foho Adelaide nian no ema na’in 29 maka tama ospitál. La iha esperansa atu kondisaun ida ne’e bele sai diak iha tempu badak ho previzaun tempu manas no anin maka’as.
Governu mos elojia esforsu hosi bombeirus na’in atus 700 ne’ebé oras ne’e ativu iha Adelaide inklui Servisu Inséndiu Australia Sul nian no ekipa bombeirus ne’ebé mai hosi estadu hirak seluk.
