Konferénsia da-II Komunidade País sira Lian Portugés nian (CPLP) tinan ne’e kona-ba Governu Eletróniku ne’ebé hala’o iha loron 25 no 28 fulan-novembru iha Luanda, Angola ho tema “Cibersegurança”.

Iha loron 25 to’o loron 27 fulan-novembru Luanda simu ona Sorumutuk da-3  Pontu Fokál sira CPLP nian no, iha loron 28 fulan-novembru, hala’o Konferénsia da-II CPLP nian kona-ba Governu Eletróniku. Sorumutuk dahuluk kona-ba Governu Eletróniku hala’o iha fulan-novembru tinan 2013, iha Lisboa.

Durante loron 28 fulan-novembru, reprezentnte país sira Komunidade ne’e koa’lia kona-ba Siberseguransa, tema ida ne’ebé sai mós hanesan preokupasaun transversál ida iha nível mundiál.Nasaun CPLP sira dadaun ne’e dezenvolve ona sira nia plataforma Governu Eletróniku nian no tema ne’e permite hodibele troka esperiénsia sira iha matéria ida ne’ebé maka dala ruma tenke relevante no atuál liután.

Timor-Leste reprezenta hosi Diretór-Jerál Ministériu Prezidénsia Konsellu Ministrus, asesora hosi ministériu hanesan ne’ebé lidera estudu ida iha área ne’e, Elizabeth Baptista, no liuhosi reprezentante Ministériu Negósiu Estranjeiru no Kooperasaun, Natalino Castro.

Aprezentasaun Timor-Leste nian foka liu ba pasu hirak ne’ebé foti kona-ba dezenvolvimentu Governu Eletróniku nian,ne’ebé prevee iha Planu Estratéjiku Dezenvolvimentu nian.