Sekretáriu Estadu Desentralizasaun Administrativa, Tomás do Rosário Cabral no Prezidente Kámara Munisipál Braga (Portugál) Ricardo Rio, iha loron 25 fulan-novembru, asina, protokolu kooperasaun ida kona-ba desentralizasaun administrativa.

Tuir akordu protokolu, Munisípiu Braga nian sei fó apoiu hodi harii Munisípiu Manatutu nian hodi fó formasaun ba ninia traballadór munisipál sira liuhosi estájiu, fornese meiu hirak ne’ebé tékniku no materiál adekuadu ba projetu no programa munisipál nian sira no halo troka regular  kona-ba koñesimentu, esperiénsia no informasaun sira.

Tuir protokolu ida ne’e, ne’ebé nia durasaun inisiál ba tinan rua, Kámara Munisipál Braga nian iha mós knaar atu hanorin lian portugés ba funsionáriu sira administrasaun lokál Timor-Leste nian no bele mós loke dalan ba ekonomia entre  brakarense no timoroan sira.