Sekretaria Estadu Polítika Formasaun Profisionál no Empregu (SEPFOPE) servisu hamutuk ho organizasaun internasionál ba imigrasaun IOM  (International Organization for Migration) iha loron 7 fulan Novembru 2014 iha Novu Turizmu, Dili,  organiza worskhop ho nia tema “Labour Migration in Timor Leste Consultative Workshop”.

Objetivu seminariu ne’e atu identifika oportunidade no dezafiu ba jestaun traballadór migrante sira iha Timor-Leste. Semináriu ne’e hanesan mós pasu dahuluk elaborasaun Planu Asaun Nasionál ba traballadór migrante hodi identifika prioridade no medida ne’ebé sei foti iha implementasaun sistema jestaun traballadór migrante ne’ebé transparante no efisiente iha Timor-leste.

Diretór Jeral SEPFOPE, Jacinto Barros Gusmão hateten katak “Ita simu investidór husi rai liur ne’e tanba sira mai fahe esperénsia ba Timor oan sira atu nune’e traballadór sira ba rai liur karik sira mós bele hetan esperensia kona-ba investidór, ida ne’e importante tebes ba ema atu sai ba liur, maibé ita mos tenke hadi’a sira nia planu asaun nasionál, katak atu haruka ba ema nia rai tenke iha abilidade no esperiénsia”.

Partisipa iha Workshop ne’e, Diretór Jerál SEPFOPE, Jacinto Barros Gusmão, funsionáriu SEPFOPE, no reprezentante sira husi ajénsia internasinál World Bank, ILO, IOM no sosiedade sivil sira.