Sekretáriu Estadu Desentralizasaun Administrativa vizita Estadu Victoria, Austrália
Sekretáriu Estadu Desentralizasaun Administrativa, Tomás do Rosário Cabral, hala’o vizita traballu ida ba Estadu Victoria, iha Austrália, entre loron 14 no 17 fulan-outubru tinan 2014. Durante ninia vizita ne’e, Sekretáriu Estadu Desentralizasaun Administrativa sei iha biban atu partisipa iha konferénsia “Power to the People – Innovative wyais to create vibrant communities led by active, caring and engaged citizens” ne’ebé organiza husi Asosiasaun Munisípiu sira Victoria nian.
Sekretáriu Estadu sei iha mós sorumutuk servisu nian ho Lokál Government Departament Estadu Victoria nian, no ho dirijente barbarak husi Munisípiu sira, ho nune’e sira selebra tiha protokolu kooperasaun iha área desentralizasaun administrativa nian durante tinan ida ne’e.
Sei selebra mós, protokolu kooperasaun rua, kona-ba área desentralizasaun administrativa nian, entre Sekretaria Estadu Desentralizasaun Administrativa no Munisípiu rua husi Estadu Victoria nian ( City of Moonee Valley no Indigo Shire).
