Sorumutuk Konsellu Ministrus nian iha loron 30 fulan-setembru tinan 2014
Prezidénsia Konsellu Ministrus
V Governu Konstitusionál
..............................................................................................................................
Díli, Loron 30 Fulan Setembru Tinan 201
Komunikadu Imprensa
Sorumutuk Konsellu Ministrus nian iha loron 30 fulan-setembru tinan 2014
Governu hala’o sourumutuk iha loron-tersa ne’e, loron 30 fulan-setembru tinan 2014, iha Palásiu Governu, iha Dili, no aprova ona:
1. Rezolusaun Governu ne’ebé aprova instalasaun órgaun no servisu ba estrutura pré-deskonsentrasaun nian
Tuir medida hirak ne’ebé mak hola tiha ona, fahe ba faze idak-idak, atu kumpre polítika desentralizasaun administrativa nian – ne’ebé mak hatuur iha Planu Estratéjiku Dezenvolvimentu 2011 – 2030 – no hodi tetu didi’ak impaktu ne’ebé reforma Administrativa Lokál Estadu nian ida ne’e iha populasaun nia moris lor-loron nian, Governu deside ona atu hahú, fahe iha faze idakidak, ba prosesu instalasaun órgaun sira nian no servisu Estrutura Pré-deskonsentrasaun Administrativa nian sira iha munisípiu hirak ne’ebé mak besik iha kapitál, liu-liu iha munisípiu Aileu, Ermera no Likisá. Ho forma ida ne’e, bele garante prosesu akompañamentu ida ne’ebé di’ak tebes husi servisu Administrasaun Sentrál Estadu nian.
Konsellu Ministru analiza ona mós:
1. Ezekusaun Orsamentu Jerál Estadu nian (OJE) tinan 2014
Tuir sorumutuk estraordinária Konsellu Ministru nian iha loron 24 fulan-setembru, Ministériu Finansas hato’o konkluzaun kona-ba ezekusaun orsamentál husi Governu no diskuti kona-ba posibilidade atu husu retifikasaun Orsamentu Jerál Estadu nian ba Parlamentu Nasionál, atu bele utiliza Fundu Petrolíferu, iha faze ikus tinan nian, bainhira OJE hakbesik ba ezekusaun plena.
