Sorumutuk estraordináriu Konsellu Ministrus nian iha loron 11 fulan-setembru tinan 2014
Prezidénsia Konsellu Ministrus
V Governu Konstitusionál
..............................................................................................................................
Díli, Loron 11 Fulan Stembru Tinan 2014
Komunikadu Imprensa
Sorumutuk estraordináriu Konsellu Ministrus nian iha loron 11 fulan-setembru tinan 2014
Governu hala’o sorumutu estraordináriu iha kinta-feira ne’e, iha loron 11 fulan-setembru tinan 2014, iha sala sorumutuk Konsellu Ministru nian, iha Palásiu Governu, iha Dili, atu halo análize ida kona-ba situasaun polítika nasaun nian ba-iha kontestu rejionál no mundiál. Reflesaun Konsellu Ministru nian ne’e, mosu tuir eventu oinoin husi organizasaun internasionál sira ne’ebé mak Governu Timor-Leste envolve an ona - hanesan Fórum Mundiál Aliansa Sivilizasaun sira Nasoens Unidas nian Daneen ne’ebé hala’o iha fulan kotuk iha Bali, ka Konferénsia Nasoens Unidas nian Kona-ba Estadu Insulár Ki’ik sira iha Dezenvolvimentu, ne’ebé hala’o iha inísiu fulan ida ne’e iha Samoa, sorumutuk Konsellu Seguransa Nasoens Unidas nian, ne’ebé sei hala’o mós iha fulan ida ne’e nia laran iha Nova Iorke, ka sei halaó mós atividade ne’ebé dezenvolve ona husi g7+, grupu ida ne’ebé envolve ona nasaun liu 20 no Timor-Leste nu’udar dinamizador ida ne’ebé mak ativu. Objetivu husi Governu ninia análize ne’e atu koloka servisu internu dezenvolvimentu nasaun nian haree ba kestaun kompleksu internasionál hirak ne’ebé mak país kontinua halo parte.
Konsellu Ministrus mós halo hikas fali análize kona-ba kestaun susesaun xefia ba-iha Komisaun Funsaun Públika nian, hodi analiza no diskuti tiha ona proposta ba kandidatu barbarak ba kargu Komisáriu Funsaun Públika nian.
