Ministru Negósius Estranjeirus no Kooperasaun partisipa iha Fórum Rejionál ASEAN nian
Ministru Negósius Estranjeirus no Kooperasaun Timor-Leste, José Luís Guterres, hala’o viajen ida ba Myanmar iha loron 6 fulan-Agostu hodi partisipa iha Fórum Rejionál da-21 hosi Asosiasaun Nasaun Sudeste Aziátiku (ASEAN) nian, ne’ebé sei hala’o entre loron 6 no loron 10 fulan-Agostu.
Sekretáriu Estadu ba Asuntu sira ASEAN nian, Roberto Soares, mós sei marka prezensa iha Fórum Rejionál ASEAN nian. Iha okaziaun ne’e mós sei hala’o Enkontru da-47 Ministru sira Negósius Estranjeirus nian no Simeira Ministeriál da-4 Ázia Leste nian.
Austrália, Bangladesh, Canadá, China, União Europeia, Índia, Japão, República da Coreia, Mongólia, Nova Zelândia, Paqistão, Papua Nova Guiné, Filipina, Rússia, Sri Lanka, Tailândia no Estados Unidos da América sei hola-parte mós iha Fórum Rejionál da-21 ASEAN nian.
