Planu Asaun Nasionál kona-ba Halakon Hamlaha no Malnutrisaun iha Timor-Leste
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 25 fulan Jullu tinan 2014
Planu Asaun Nasionál kona-ba Halakon Hamlaha no Malnutrisaun iha Timor-Leste
Iha loron Domingu, hala’o tiha lansamentu Planu Asaun Nasionál ba Halakon Hamlaha no Malnutrisaun hamutuk ho Simeira Komunidade Lian Portugeza [CPLP] nian, iha Timor-Leste. Planu ida ne’e hanesan mata dalan ba kompromisu Timor-Leste nian atu hadi’a seguransa alimentár no hamenus hamlaha, hamutuk ho kampaña “ Hamutuk hasoru Hamlaha” CPLP nian no “ Dezafiu Hamlaha Zeru” Organizassaun Nasoins Unidas nian.
Primeiru-Ministru, Kay Rala Xanana Gusmão, haktuir katak Planu Asaun Nasionál foun “ ne’e projetu koletivu ida husi povu no Governu Timor-Leste nian, hamutuk ho ita nia parseiru dezenvolvimentu sira, funu no manan kastigu hamlaha no malnutrisaun nian iha ita nia país”
Planu ne’e hala’o tiha iha períodu ida naruk durante tinan sanulu to’o tinan 2025 no estabelese meta, atividade, prazu no rekizitu finansiamentu nian sira. Planu ne’e e kria tiha tuir pilar lima “Dezafiu Hamlaha Zeru”: porsentu 100% iha asesu ba alimentasaun ida ne’ebé di’ak iha tinan tomak, laiha labarik rakítiku ho menuz husi tinan 2, sistema alimentár hothotu sustentável, hasae porsentu 100% ba-iha produtividade no rendimentu ba agrikutór ki’ik sira no sei lahalakon ka dezpezas ne’ebé la útil ba aihan sira.
Seguransa alimentár nu’udar prioridade ida ba ajenda dezenvolvimentu Governu nian hahú husi tinan 2008, ne’ebé mak forma tiha ona iha Deklarasaun Comoro tinan 2010 nian. Hahú husi ne’e, ministériu relevante sira hala’o kedas servisu hamutuk ho Konsellu Nasionál Seguransa Alimentár, Soberania no Nutrissaun iha Timor-Leste. [KOSSANTIL].
Lista ba oradór sira durante lansamentu, iha domingu, inkliu Vise-Primeiru-Ministru Timor-Leste nian, Fernando La Sama de Araújo, Konselleira Sekretáriu-Jerál Nasoins Unidas nian ba Timor-Leste, Noeleen Heyzer, Ministru Agrikultura Repúblika Moçambique, José Pacheco no Direktór-Jerál FAO, José Francisco Graziano da Silva.
Ministru Agrikultura no Pezka Timor-Leste, Mariano Assanami Sabino no Ministru Saúde, Sérgio Lobo, sira ko’alia mós -ba partisipante sira iha Sentru Konvensaun Díli.
Kompromisu Konjuntu ba Ezekusaun Planu Asaun Nasionál asina tiha bainhira eventu ne’e to’o-ba nia rohan iha minutu sanulu nia laran, liuhusi ministru na’in sanulu, sekretáriu Estadu na’in tolu, husi Provedór Direitus Umanus no Justisa no reprezentante ida husi sosiedade sivil nian, sira hothotu iha hanoin ida de’it kona-ba prioridade atu hasa’e seguransa alimentár no hamenus kiak iha Timor-Leste.
