Sorumutuk estraordináriu Konsellu Ministrus nian iha loron 17 fulan Jullu tinan 2014
Prezidénsia Konsellu Ministrus
V Governu Konstitusionál
..............................................................................................................................
Díli, Loron 17 Fulan Jullu Tinan 2014
Komunikadu Imprensa
Sorumutuk estraordináriu Konsellu Ministrus nian iha loron 17 fulan Jullu tinan 2014
Governu hala’o sorumutu estraordináriu iha Kinta-feira, Loron 17, Fulan Jullu, Tinan 2014, iha Sala Sorumutu Konsellu Ministrus nian, iha Palásiu Governu, iha Dili, no simu Relatóriu Finál kona-ba atividade hirak Komisaun hala’o ba Preparasaun Simeira CPLP nian ba Tinan Rua 2014-2016.
Dokumentu ne’ebé kontein servisu husi membru Komisaun Preparasaun Simeira (KPS) nian ne’ebé hala’o durante ne’e, ninia Prezidente, Francisco Guterres Lu-Olo, entrega ona ba-iha Konsellu Ministrus, akompaña husi ninia ekipa, ne’ebé mak iha fulan hirak ikus ne’e, hala’o servisu preparasaun ba Konferénsia Xefe Estadu no Governu CPLP ba da-X no Prezidénsia Rotativa Komunidade País Lian Portugés (CPLP), ne’ebé mak Timor-Leste kaer, iha Simeira ida ne’e, hodi hala’o to’o Tinan 2016.
Iha Sorumutuk estraordináriu ida ne’e, Governu, hamutuk ho KPS, fó-hanoin fali kona-ba aniversáriu ba da-18 CPLP nian, ne’ebé harii iha Loron 17, Fulan Jullu, Tinan 1996.
