Governu Timor-Leste

Prezidénsia Konsellu Ministrus

V Governu Konstitusionál

..............................................................................................................................

Díli, Loron 10 Fulan Jullu Tinan 2014

Komunikadu Imprensa

Sorumutu estraordináriu Konsellu Ministrus nian iha loron 10 fulan Jullu tinan 2014

Governu hala’o sorumutu estraordináriu iha Kinta-feira ne’e, iha loron 10 fulan-Jullu tinan 2014, iha sala sorumutuk Konsellu Ministru nian, iha Palásiu Governu, iha Dili, no aprova ona:

1. Rezolusaun Governu kona-ba kontribuisaun sira ne’ebé sei tusan ba São Tomé e Prínsipe no Guiné-Bissau

Governu Timor-Leste rezolve ona atu fó lalais kedas apoiu ba Saun Tomé e Prínsipe no Guiné-Bissau ba kontribuisaun sira ne’ebé sei tusan ba CPLP.

São Tomé e Prínsipe no Guiné-Bissau hasoru obstákulu polítiku no dezafiu ekonómiku sira grave ne’ebé kondisiona la’ós de’it ba sira nia perspetiva hodi kombate ki’ak hanesan sira ninia objetivu ba Dezenvolvimentu Nasionál.

Desizaun ne’e haree liu-ba lasu amizade nian ne’ebé boot tebes, solidaridade no espíritu tulun-malu nian hosi povu CPLP.

Konsellu  Ministrus  analiza tiha mós:

1. Kandidatura sira atu okupa fatin Komisáriu Antikorupsaun

Iha sekuénsia ba retira tiha kandidatura hosi parte kandidatu Dr. Sérgio Hornai nian, ba eleisaun Komisáriu Antikorupsaun, Governu hili fali kandidatu foun  sira hodi aprezenta ba Parlamentu Nasionál ba eleisaun Komisáriu Antikorupsaun.

2. Organizasaun Simeira Dasanuluk hosi Xefe Estadu no Governu CPLP nian sira

Governu halo pontu situasaun ida kona-ba konkluzaun preparativu sira ba eventu oioin ne’ebé hala’o iha fulan Jullu ne’e, kona-ba Simeira Dasanuluk Estadu no Governu Komunidade País Lian Portugés nian sira, ne’ebé sei hala’o iha Díli, iha loron 23 fulan Jullu.