Loron-hakmatek iha loron 22 no loron 23 fulan - Jullu tinan 2014
Prezidénsia Konsellu Ministrus
V Governu Konstitusionál
..............................................................................................................................
Díli, Loron 16 Fulan Jullu Tinan 2014
Komunikadu Imprensa
Loron-hakmatek iha loron 22 no loron 23 fulan - Jullu tinan 2014
Governu hakotu fó loron-hakmatek ka toleránsia pontu iha loron 22 no loron 23 fulan Jullu tinan 2014 ba funsionáriu no ajente hosi Ministériu ka servisu dependente sira, nomós ba institutu no organizmu sira ne’ebé halo parte iha administrasaun indireta Estadu nian.
Desizaun ida-ne’e, hakotu tuir Lei n.u 10/2005, loron 10 fulan-Agostu ne’ebé determina kona-ba loron sira feriadu nasionál nian, loron ofisiál komemorativa no loron-hakmatek sira, no hakotu loron sira-ne’e tanba programa Konferénsia Dasanuluk Xefe Estadu no Governu CPLP nian, iha Dili.
