“FESTA MÚZIKA” iha Dili
Em 2014-06-21
Edisaun ba dalahuluk Festa Múzika (Fête de la Musique) iha Timor-Leste sei hala’o iha Sabadu loron 21 fulan-Juñu 2014 iha Casa Europa (iha Palásiu Governu nia sorin) hahú tuku 6:00 kalan to’o kalan-boot.
Eventu ne’e hala’o hosi Uniaun Europeia no Governu Repúblika Demokrátika Timor-Leste, iha kolaborasaun ho Institut Français Timor-Leste no evecom.
Eventu ne’e hahú iha rai-Fransa iha tinan 1982, Fête de la Musique (Festa Múzika)dadaun ne’e selebra iha pais liu 108 no sidade 726 iha mundu rai-klaran tomak iha loron 21 iha fulan-Juñu, iha loron dauluk veraun nian iha Europa.
Sei aprezenta iha eventu kulturál ne’e múzika oioin liuliu, hanesan múzika pop, jáz, reggae, rok, rap, múzika tradisionál no seluk tan.
