Ministru Estadu no Negósiu Estranjeiru no Kooperasaun, José Luís Guterres partisipa iha Simeira Komemorativa Aniversáriu Da-50 Grupu 77 nian no Xina, iha Santa Cruz, iha Bolívia, ne’ebé sei hala’o iha loron 14 to’o loron 15 fulan-Juñu.
G77 no Xina, mak nasaun sira-ne’ebé sei iha dezenvolvimentu no nasaun sira ne’ebé foin harii, mak daudaun ne’e iha nasaun hamutuk 133 hosi América Latina, África no Sul Ásia nian.
Governu Bolívia hein katak delegadu nível aas 100 resin sei partisipa iha Simeira ne’e.
Dezenvolvimentu sustentável, dezenvolvimentu rurál, halakon kiak no fahe rikusoin sira hanesan sai nu’udar tema prinsipál Simeira nian, ne’ebé mak mai mos Prezidente Raúl Castro (Cuba), Prezidente Cristina Fernández (Argentina) no Prezidente Rafael Correa (Equador), hamutuk ho Sekretáriu-jerál ONU nian, Ban Ki-moon.
Molok ba fali Bolívia, Ministru José Luís Guterres sei hala’o vizita ba Konsuladu RDTL nian iha Kupang, Indonésia, hosi loron 11 to’o 12 fulan-Juñu.