MKIA hahú estudu viabilidade kona-ba tratamentu lixu
Ministru Komérsiu, Indústria no Ambiente, António da Conceição, asina MOU ho Kompañia Shun Hsin Investment no Construction. Lda. hosi Taiwain, hodi bele hala’o estudus veabilidade kona-ba tratamentu lixu iha Timor-Leste, seremónia asina MoU ne’e hala’o iha loron 24 fulan Fevereiru, iha edifisiu Ministériu Komérsiu, Industria no Ambiente, Díli.
“Projetu ida ne’e boot tébes ne’ebé nia ivestimentu to’o osan dolár millaun ida atus ida limanulu, la konpromete sentavus ida hosi Governu Timor-Leste, montante refere mai hanesan osan ida ne’ebé ita dehan katak Bill Operate And Transfer (BOT), buat hotu-hotu ne’e iha orsamentu sira nian, maibé posivelmente nia durantesaun ne’e minimu tinan 30, hafoin mak bele halo transférensia fila fali ba Governu Timor-Leste’’, tenik Ministru António da Conceição.
Diretóra Kompañia Shun Hsin Investment no Construction Lda, Ana Paula de Araújo Nunes haktuir katak "projetu ida ne’e ami koko atu tama iha Governu ne’e, tanba projetu ne’e sei la fó impaktu ba ita nia meiu ambiente, tanba ne’e, ami sente efetivu tébes, ne’e mak ami koko atu hamoos Timor-Leste liu hosi lixu, hodi uza sistema ho naran Peleburan kona-ba lixu sira ne’e, hafoin hosi ne’e halo fali ba enerjia elétrika".
Marka Prezensa iha Serimónia ne’e Sekretáriu Esatdu Meiu Ambiente, Nominando Soares Martins, Sekretáriu Esatdu Indústria no Kooperativa, Filipus Pereira, Sekretáriu Esatdu Indústria, Ricardo Cardozo Nheu, Prezidente Kompañia Shun Hsin Investment no Construction Lda, Lin Gi Hsiung.
*Build-Operate-Transfer (ka BOT) maka dalan finansia projetu sira iha ne’ebé setór privadu hetan lisensa husi setór públiku atu finansia, konstrui no halo operasaun durante períodu tempu ida, no bainhira períodu ne’e remata ona maka kontrolu sei fó ba administrasaun públika.
