Governu Timor-Leste

Iha loron sia to’o ba iha loron 11 fulan Dezembru tinan 2013, Ministru Estadu Negósiu Estranjeiru no Kooperasaun, José Luís Guterres, dezloka ba Bruxelas, Béljika, atu hodi hola parte iha Konsellu Ministru da-98^u País sira Ázia nian, Karibe no Pasífiku (ACP).

Iha sorumutuk ne’e, Ministru José Luís Guterres – ne’ebé iha tinan 2013 troka Ministra Finansa iha Jestaun Nasionál Autorizasaun ba Fundu Uniaun Europeia nian – no Diretór Komisaun Europeia ba Ázia-Pasífiku, Dirk Meganck, sira na’in rua asina ona Akordu Finanseiru ida kona-ba Aliansa Mundiál hasoru Mudansa Klimátika nian (Finance Agreement of the Global Climate Change Alliance), ho valór osan euro millaun haat (iha dólar Amerikanu millaun 5,6).

Kuantia ne’e sei entrega ba iha Ministériu Agrikultura Timor-Leste nian, entidade ne’ebé maka responsável ba pasta ida-ne’e.

Ba Ministru José Luís Guterres, “asinatura akordu ne’e nian di’ak ba povu timroan sira no apoiu hosi Komisaun Europeia ne’e importante tebe-tebes”.