Ofisiais F-FDTL Remata Kursu Navegasaun Ró
Membru Falintil-Forsa Defesa Timor-Leste (F-FDTL) husi Komponente Naval hamutuk nain 20, loron 12 Dezembru 2013, remata kursu Navegasaun Ró no simu sertifikadu iha Komponente Naval Hera, Dili. Membru sira-ne’e kompostu husi kapitaun nain na’in 4, sub-tenente (12) no segundu tenente na’in 4.
Hafoin fahe sertifikadu, Tenente Koronél ‘Haksolok’, reprezenta Xefé Estadu Maiór F-FDTL, Majór Jenerál Lere Anan Timur hateten, kursu ne’e importante basa forsa sira marineiru sira, tana hanesan navegasaun Ró.
Maske nune’e, nia husu ba ofisiais ne’ebé simu sertifikadu atu labele orgullu liu, tanba sertifikadu ne’e simu atu aumenta preokupasaun bo’ot ba servisu, aumenta kapasidade no profesionalizmu.
Entertantu Segundu Komandante Komponente Naval, Kapitaun Tenente Adão Brito “Jacky” realsa, kursu ida ne’e importante tebes hodi aumenta tan ofisiais sira-nia kapasidade navegasaun.
Asesór husi Forsa Armada Portugál mak sai formadór, durante fulan haat. Kursu ne’e sei kontinua nafatin, atu aumenta kapasita forsa marineiru sira.
