PN aprova OJE ba 2014 iha jeneralidade ho unanimidade
Sab. 11 janeiru 2014, 19:40h
Parlamentu Nasionál (PN) aprova ona ohin, loron 11, fulan Janeiru, Orsamentu Jerál Estadu (OJE) ba tinan 2014 iha jeneralidade, ho votu favor 65, kontra zero no abstensaun zero.
Tuir mai diskusaun no votasaun iha espesialidade ne’ebé, tuir Rejimentu Parlamentu Nasionál nian, labele liu loron 10, no sei hahú iha loron segunda-feira, loron 13 fulan Janeiru.
