MAE husu autoridade lokál hametin komunikasaun
Ministru Administrasaun Estatál, Jorge da Conceição Teme, iha loron 8 fulan Jullu 2013, halo konferénsia ida hodi fó oreientasaun ba autoridade lokál sira atu kontinua komunika no koordena hodi atende povu ho didi’ak. Konferénsia ne’e, hala’o iha Ministériu Negósiu Estranjeiru, Prai-dus-Kokeirus, Dili.
Jorge da Conceição Teme hateten, “objetivu husi orientasaun ida-ne’e atu administradór distritu no sub-distritu sira, bele hametin liután komunikasaun no koordenasaun ho xefe aldeia, suku no reprezentante ministériu hotu-hotu iha distritu no subdistru sira, atu responde didi’ak, ho efikásia no efisiénsia ba povu sira-nia ezijénsia no problema”.
Aleinde Ministru Administrasaun Estatál, Jorge Teme, marka mós prezensa iha konferénsia ne’e, Ministru Agrikultura no Peska, Mariano Assanami Sabino no Vise-Ministru Solidariedade Sosiál, Jacinto Rigoberto Gomes de Deus.
