Sorumutu Ordinária hosi Konsellu Ministru CPLP nian ba dala-18
Ministru Negósiu Estraajeiru no Kooperasaun, José Luís Guterres, partisipa iha Sorumutu Ordináriu Konsellu Ministru Komunidade País Lian Portugés (nia sigla CPLP) nian ba dala sanulu resin walu, ne’ebé hala’o iha loron 18 fulan Jullu iha Maputu.
“CPLP no nia dezafiu ba futuru” hanesan tema ba sorumutu ida ne’e, ne’ebé halibur Ministru Negósiu Estrajeiru sira no Relasaun Esteriór nian sira hosi Estadu-Membru sira CPLP nian. Iha sorumutu ne’e koa’alia liubá tema sira hanesan reprezentasaun CPLP nian iha Díli, evolusaun polítika Guiné-Bissau nian no oinsá atu buka hetan solusaun sira ba ninia estabilidade, diskuti mós iha sorumutu ne’e adezaun Guiné Ekuatoriál nian ba CPLP.
Tuir José Luís Guterres, sorumutu ne’e hetan duni susesu ida. CPLP hola desizaun importante ba Guiné-Bissau, liu-liu iha relasaun ba evolusaun kona-ba ninia situasaun polítika. CPLP kontinua iha interese atu hetan solusaun ne’ebé bele fó fali estabilizasaun ba País atu bele hetan fila fali estabilidade demokrátika, iha tempu badak nia laran”.
Sorumutu ne’e prezide hosi Ministru Negósiu Estrajeiru no Kooperasaun Repúblika Mosambike nian, Oldemiro Baloi, ne’ebé mak hetan mós partisaun hosi Ministru Negósiu Estrajeiru no Relasaun Esteriór sira hosi Repúblika Angola, Repúblika Federativa Brazil, Repúblika Kabu Verde, Repúblika Demokrátika Saun Tomé no Prínsipe, Repúblika Demokrátika Timor-Leste, Sekretáriu Estadu Negósiu Estranjeiru no Kooperasaun Repúblika Portugeza no Sekretáriu Ezekutivu CPLP nian.
Konsellu Ministru CPLP nian ne’ebé mak uluk hala’o tiha ona hosi Sesaun Komité Konsertasaun Permanente ba dala-164, iha loron 16 fulan Jullu, no ba dala-27 hosi Sorumutu Ordinária husi Pontu Fokál Kooperasaun nian sira, iha loron 11 no 12 fulan Jullu.
