Ministru Estadu no Negósiu Estranjéirus no Kooperasaun hala’o vizita ba Sede CPLP nian iha Portugal
Ministru Estadu no Negósiu Estranjéirus no Kooperasaun, José Luis Guterres, halo vizita ofisiál ba Portugal, hodi hasoru malu ho Sekretáriu Ezekutivu Komunidade País Língua Portugeza (nia sigla CPLP) Murade Murargi, iha sede CPLP, Pálasiu Penafiel, Lisboa, Portugal, iha Kinta-feira loron 16 fulan Maiu 2013.
José Luís Guterres hateten katak, ”sorumutu ho Sekretáriu Exekutivo CPLP nia intensaun atu ko’alia kona-ba ajuda saida mak sira bele fó, bainhira Timor-Leste organiza Simeira CPLP nian iha 2014, atu nune’e simeira ne’e bele la’o ho susesu. Sekretáriu Ezekutivu CPLP nian, Murade Murargi , afirma katak, sira iha disponibilidade atu fó kontribuisaun iha área tékniku sira”.
Iha biban ne’e, José Luís Guterres, hasoru malu mós ho embaixadór sira hosi nasaun CPLP nian, hanesan Portugal, Brazil, Angola, Guiné-Bissau, Moçambique, São Tomé e Príncipe, no Cabo Verde.
