Ministru Komérsiu Indústria no Ambiente vizita kooperativa sira iha distritu Vikeke no Manatutu
Ministru Komérsiu Indústria no Ambiente, António da Conceição, iha loron 26 no 27 Abril 2013, hala’o vizita ba Kooperativa Ira Luka, iha distritu Vikeke no Kooperativa Domin Hahú iha distritu Manatuto.
Ministru António da Conceção, iha sorumutu Asembleia Jerál Kooperativa Ira Luka nian dehan: “Hau urgullu ho imi-nia servisu hodi dezenvolve kooperativa ne’e la’o di’ak no susesu, tanba kooperativa kreditu ne’e sai hanesan sumbriña ba grupu ki’ik-oan ne’ebé hakarak fila liman hodi hadi’a ekonomia uma-laran nian. Imi-nia sevisu reflete mós pilár haat ne’ebé hakerek ona iha Konstituisaun RDTL artigu 138, oinsá atu dezenvolve ekonomia iha país ne’e.
“Husu ba imi hotu-hotu atu servisu badinas hodi dezenvolve kooperativa ne’e ba oin nafatin, no liu husi dalan ne’e maka bele hamenus ki’ak no mukit iha ita-nia rain, no husi imi hotu-hotu nia esforsu hatutan ona planu Governu nian hodi dezenvolve ekonomia país nian”, haktuir Ministru.
Aleinde ne’e, iha loron 27 fulan Abril, Ministru hala’o mós vizita ba Kooperativa Domin Hahú, iha distritu Manatutu no enserra mós Asembleia Jerál Kooperativa nian.
