Protesaun Sivil lansa Númeru Emerjénsia 115
Sekretaria Estadu Seguransa, liuhosi Diresaun Nasionál Protesaun Sivil (DNPS) hala’o lansamentu ba númeru emerjénsia 115, iha Sentru Nasionál Koordenasaun Operasionál (SNKO) Kaikoli, Díli, bainhira komemora loron Internasionál ba protesaun Sivil, iha sesta-feira, loron 1 fulan Marsu 2013.
Diretór DNPS, Domingos Pinto, hateten, “ho númeru emerjénsia 115 ne’ebé ofisialmente lansa ona ba públiku, bele fasilita komunidade sira atu kontaktu ba servisu protesaun sivil, iha oras 24 nia laran, bainhira akontese dezastre ruma iha sira nia hela fatin”.
“Domingos Pinto, husu mós ba komudidade sira atu uza númeru emerjénsia ne’e ho responsabilidade no labele hodi halimar fali, tanba númeru ne’e ema barak mak presiza hodi kontaktu husu apoiu bainhira hetan dezastre hanesan ahi-han uma, ai-monu, bee-sa’e no seluk tan”.
