Komunidade Manufahi simu sertifikadu na’in ba rai
Governu Timor-Leste liuhosi Ministéru Justisa, iha loron, 22 fulan Setembru tinan 2012, kontinua entrega sertifikadu “na’in ba rai” ba ema na’in 10 husi distritu Manufahi.
Sekretáriu Estadu Terras Propriedade, Jaime Xavier Lopes hateten, sertifikadu ne’ebé entrega ba komunidade sira ne’e, nu’udar kontinuasaun projetu hosi Polítika IV Governu Konstitusionál nian ne’ebé antes ne’e fahe tiha ona ba komunidade sira iha distritu Ainaro, Manatuto, Baukau, Bobonaro, Oe-Kussi no Likisa. V Governu konstitusionál ne’e sei kontinua ba distritu Ermera, Aileu, Kovalima, Manufahi no Lautém.
Iha biban ne’e, Administradór Interinu, distritu Manufahi, Arantes Isaac Sarmento, informa katak problema rai iha distritu Manufahi hanesan mós iha distritu sira seluk,tanba ne’e programa hanesan ne’e sebele kontinua nafatin iha distritu ida ne’e,tanba foin maka hala’o iha sub distritu same, sub distritu sira seluk seidauk, hanesan, sub distritu Alas,Turiskai no Fatuberlihu, seidauk hala’o programa hanesan ne’e.”
Marka prezensa iha serimónia ne’e, Ministru Justisa, Dionísio Babo, Vise Ministru Ivo Jorge Valente, Sekretáriu Estadu Terras Propriedade, Jaime Xavier Lopes, Diretór DNTP, Administrador Interinu distritu Manufahi, Arantes Isaac Sarmento, Komandante PNTL distritu Manufahi, autoridade lokál no komunidade sira.
