Governu Timor-Leste

Iha loron 17 fulan Agostu, Ministériu Finansa organiza workshop Yellow Road, iha Salaun Nobre Ministériu Negósiu Estranjeiru nian, ne’ebé maka marka prezensa iha worshop ne’e Primeiru-Ministru no membru governu sira seluk, hamutuk ho diretór jerál sira, diretór finanseiru no funsionáriu sira ho kompeténsia iha área planeamentu finansa nian.

Worshop ida ne’e nia objetivu prinsipál mak atu define Prioridade Nasionál sira ba tinan 2013.

Emília Pires, Ministra Finansa, hahú halo análize badak ida ba rezutadu ne’ebé mak atinji ona, hanesan pontu partida atu estabelese prioridade sira ba tinan 2013 no tuir Planu Estratéjiku ba Dezenvolvimentu 2011-2013.

Gabinete Primeiru-Ministru, Ministériu Finansa, Banku Sentrál no Ajénsia Dezenvolvimentu Nasionál halo aprezentasaun kona-ba planeamentu no planu anuál, análize no objetivu makroekonómiku, inflasaun, dezempregu, sustentabilidade fiskál no impostu sira, nune’e mós kualidade implementasaun projetu sira nian no balansu pagamentu. Iha parte lorokraik sei iha tempu atu ko’alia kona-ba asuntu hanesan jestaun ajuda ba dezenvolvimentu, fundu infra-estrura ba envelope fiskál tinan 2013 nian, kálkulu envelope fiskál ba tinan oin mai no prioridade nasionál sira  ne’ebé maka hotu-hotu diskuti ona hodi aprezenta proposta relevante atu bele atinji objetivu.

Nune’e, tuir hotu-hotu nia akordu, hato’o ba Konsellu Ministru atu hola konsiderasaun hanesan prioridade iha área hirak ne’ebé mak hanesan: infra-estrutura bázika (inklui Estrada rurál sira) bee no saneamentu, eletrisidade, seguransa alimentár (espesiál liu ba aumenta produtividade iha produsaun lokál) lei rai nian, inkluzaun sosiál, impostu, desentralizasaun, no s