Governu Timor-Leste

Primeiru-Ministru, Kay Rala Xanana Gusmão, simu konvite hodi partisipa iha Simeira dahuluk kona-ba Kultura Internasionál Edimburgo nian,hahú iha loron 13 fulan Agostu, ne’ebé ministru no oradór sira mundu tomak nian mós partisipa hodi haksesuk kona-ba podér kultura hodi estabelese relasaun entre nasaun sira.

Simeira, ne’ebé atu komemora no reforsa hanaran foun Escócia no Reino Unido sira nian kona-ba inovasaun, kriatividade no imajinasaun, nu’udar kolaborasaun entre Governu Escócia no Governu Reino Unido, Festivál Internasionál Edimburgo nian no British Council, ne’ebé uma na’in mak Parlamentu Escócia nian.

Objetivu ba eventu ida-ne’e nian, ne’ebé halibur ministru kultura sira no artista koñesidu sira, matenek na’in sira no profisionál sira seluk ne’ebé hola parte iha dezenvolvimentu no implementasaun polítika kultura nian, mak atu fó oportunidade ida úniku ba partisipante sira hodi diskuti podér, pozisaun no perfil arte sira nian, kultura no indústria kriativa sira.

Xanana Gusmão hili kontribui ho diskursu ida, gravadu iha vídeo, ne’ebé partisipante sira haree iha Edimburgo iha loron 14 fulan Agostu.

Atu haree vídeo diskursu nian, bele klika iha-ne’e.

Atu lee diskursu, bele klika iha-ne’e.