MAP hetan apoiu ekipamentu laboratorium hosi Charles Sturt University
Ministériu Agrikultura no Peska (MAP) iha loron 25 fulan Jullu 2012, iha Laboratoriun MAP, Komoro, Díli, simu apoiu ekipamentu laboratóriu nian hosi Charles Sturt University Austrália ba Ministériu Agrikultura no Peska (MAP) liuhosi Diresaun Nasionál Agrikultura no Ortikultura liu-liu ba Departamentu Protesaun Planta ne’ebé mak durante ne’e servisu hamutuk tinan rua iha projetu AuSAID mós iha “Capacity Building of Disease Management and Spray Aplication”.
Diretór-jerál MAP Lourenço Borges Fontes informa katak, sasán ne’ebé mak Charles Sturt University Austrália fó hanesan Freezer, Fridge, autoclave, microwave no seluk tan, atu halo diognástiku ba moras ne’ebé mak mosu iha Timor-Leste.
“Ekipamentu ne’e nu’udar oferta ba dala rua ona tanba iha tinan kotuk liubá fó ona mikroskópiu hodi fasilita servisu lorloron nian la’o ho di’ak”, hatete Lourenço Borges Fontes.
