Momentu Kulturál CPLP iha Timor-Leste
Governu Timor-Leste, liu hosi Ministériu Negosiu Estranjeiru, Iha loron, 6 fulan Juñu tinan 2012, loke momentu kulturál CPLP ba Dasanuluk, iha Salaun Nobre Ministériu Negosios Estranjeiru, Praiduskukeirus, Dili. Momentu kultural ne’e sei iha mós feira livru ho konsertu múzika.
Ministru Negosiu Estranjeiru, Zacarias Albano da Costa hatete katak, momentu kulturál ne’e sei kontinua to,o loron 9 fulan Juñu tinan ida ne’e, momentu hanesan ne’e, iha Nasaun sira CPLP nian mós organiza hotu.
Zacarias esplika tan katak “Timor-Leste selebra tinan sanulu restaurasaun Independénsia no selebra mós tinan sanulu adezaun formal ba CPLP no ita hanoin ona katak iha 2014 to’o 2016 Timor-Leste sei sai nuudar prezidente rotativu ba CPLP ninian durante tinan rua, ha’u hanoin importante mós katak iha Timor populasaun maioria, estudante sira bele hatene liu tan saida maka organizasaun ida ne’e, saida maka CPLP no oportunidade saida maka CPLP fó ba ita, benefisiu saida no oinsá maka Timor-Leste mós bele kontribui ba organizasaun ida ne’ebé maka ita hotu nian hodi nia bele sai boot liu tan koñesidu liu tan no bele halo di’ak ba ita hotu-hotu”.
Marka prezensa iha Serimonia Abertura Momentu Kulturál CPLP iha Timor-leste maka, Ministru Negosios Estranjeiru,Zacarias Albano da Costa,Diretór Jerál Ministériu Edukasaun,Apolinariu Magno, Embaixadór Portugál iha Timor-Leste no konvidadu sira seluk.
