Traballadór timoroan hamutuk liu nain 121 bá tan servisu iha Koreia
Sekretáriu Estadu Formasaun Profisionál no Empregu, Bendito Freitas, hamutuk ho Diretór Rekursus Umanus Servisu Dezenvolvimentu Koreia Sul nian, Kim Suk Ho, no Diretór Empregu nian Paulo Alves, sira hotu marka prezensa iha serimónia despedida iha loron 24 fulan Fevereiru ba timoroan sira liu nain 121 ne’ebé atu ba servisu iha Koreia Sul.
Timoroan sira ne’e sei servisu iha área sira hanesan agrikultura, peska no indústria nian ne’ebé prevee ona atu grupu dahuluk nian, kompostu husi ema 45 mak atu bá ona iha loron 5 fulan Marsu ne’e.
Bendito Freita subliña importánsia kooperasaun nian hoo Koreia Sul kona-ba dezenvolvimentu ekonómiku no kapasitasaun traballadór timoroan sira nian.
SEFOPE (Sekretaria Estadu Formasaun Profisionál no Empregu) insentiva ona kooperasaun entre país rua ne’e atu nune’e bele rezolve kestaun dezempregu no fó formasaun tékniku no dezenvolve traballadór sira sai profisionál.
Iha okaziaun ida-ne’e, Sekretáriu Estadu informa katak SEFOPE hakarak haruka, to’o tinan ne’e ramata, ema traballadór sira besik 500 bá iha Koreia Sul nu’uda kria tiha ona estrutura apoiu ba sira rasik.
