SEKM no UNTL assina protokolu iha área ensinu no formasaun
Kin. 09 fevereiru 2012, 18:30h
Sekretaria Estadu Konsellu Ministrus no Universidade Nasionál Timor Lorosa’e (UNTL) iha loron 9 fulan Fevereiru, asina protokolu ida ho nia objetivu atu estabelese relasaun koperasaun iha área ensinu no formasaun nian, entre parte rua ne’e.
Nune’e, SEKM sei fó apoiu ba UNTL iha kursu sira ne’ebé mak iha korespondénsia ho nia kompeténsia sira (Direito no Komunikasaun), hanesan liu husi organizasaun semináriu ka fakultasaun estájiu profisionál sira. Nune’e mós, UNTL sei bele disponibiliza vaga ka sei kria asaun formasaun, estájiu no programa ba funsionáriu no ajente sira SEKM nian.
Husi parte rua ne’e hotu sei aproveita estabelesimentu ba sinerjia ne’e, iha matéria ensinu no kapasitasaun institusionál.
