Anotasaun da-uluk ba Konstituisaun Republika Demokrátika Timor-Leste
Iha loron 22 Novembru, iha Hotel Timor, iha Dili, hala’o lansamentu ba “Anotasaun ba Konstituisaun Republika Demokrátika Timor-Leste”.
Klik iha ne’e, bainhira hakarak konsulta obra ne’e.
Hetan koordenasaun hosi konstitusionalista portugés, Pedro Bacelar de Vasconcelos, ne’ebé mak iha ninia prefásiu esklarese katak “obra ida ne’e halo ho kontributu hirak ami simu hosi ema jurista barak, timor no portugés-oan, ne’ebé mak iha esperiénsia maka’as iha hanorin, halo forense ka konsultoria jurídika iha Timor-Leste”.
Prezidente Parlamentu Nasionál mak sai hanesan anfitriaun ba aprezentasaun ofisiál “Anotasaun ba Konstituisaun Republika Demokrátika Timor-Leste” iha ne’ebé marka prezensa mós Prezidente Tribunal Rekursu, Governu no deputadu sira, entre individualidade nasionál nomós internasionál sira.
Hafoin aprezentasaun ofisiál ida ne’e, obra ne’ebé aprezenta iha loron 24, iha Universidade Nasionál Timor Lorosa’e no iha loron 25 iha Tribunál Rekursu. Pedro Bacelar de Vasconcelos sei sai hanesan entrevistadu iha programa Rádiu Timor-Leste nian “Adeus Konflitu Benvindu Dezenvolvimentu”, ne’ebé sai hanesan responsabilidade Governu nian, iha loron 27 fulan Novembru.
