Governu Timor-Leste

Sekretaria Estadu ba Rekursu Naturais  liu hosi  Ekipa servisu TL-EITI ne’ebé kompostu hosi Governo, Sosiedade Sivil, kompaña Petroleu iha loron 14 fulan Outubru, kontinua hala’o sosializasaun ba relatóriu daruak Timor-Leste EITI liu hosi semináriu nivel regional iha rejiaun III (Bobonaro) ne’ebé kobre Distritu Bobonaro, Ermera no Likisa.

Objetivu hosi diseminasaun relatóriu ne’e atu komponente hotu-hotu iha sosiedade Timor-Leste bele komprende no hatene kona-ba prosesu implementasaun EITI no kontiudu relatóriu TL-EITI. ho nune’e bele iha mós konhesimentu no aumenta kapasidade iha informasaun konaba aktividades transparansia no akontabilidade ne’ebé iha relasaun ho Petroleu, Gas no Minerál.

Sekretariu Estadu ba Rekursu Naturais, Alfredo Pires hateten katak, “Kamada sosiedade  tomak presiza atu hatene kona-ba prosesu implemenstasaun EITI iha Timor Leste inklui konteúdu hosi relatóriu EITI tanba iha ne’eba konfirma sistema finansas solidu tamba laiha Doit metan ida lakon”.

Konteúdu relatóriu TL-EITI ba daruak ne’e mak hanesan: Totál impostu ne’ebé simu hosi kompaña ida-idak ho kompaña nia naran, Total First Trench Petroleum no Royalty (kontratu fahe produsaun ) kada kompaña ho nia naran no fó sai kona-ba pagamentu sira seluk ne’ebé mak governu simu hosi kada kompaña operadór sira, nu’udar ezemplu lisensa ba pagamentu no lisensa ba aplikasaun no seluk tan.

Semináriu ba desiminasaun relatóriu daruak konsentra iha rejiaun 4 maka hanesan: Rejiaun I: hala’o iha Distritu Baucau (kompostu hosi Distritu Baucau, Lautem, Viqueque no Manatuto), ne’ebé Hala’o tiha ona iha loron, 7/10/2011, Rejiaun II: hala’o iha Distritu Cova-lima (kompostu hosi Distritu Aileu, Manufahi, Ainaro no Cova-lima, ne’ebé hala’o tiha ona iha loron, 30/09/2011, no Rejiaun IV: sei hala’o iha Distritu Oe-kusse, iha inisiu fulan Novembru tinan ida ne’e.