Governu Timor-Leste

Asesór ba Komunikasaun Sosiál iha Gabinete Primeiru-Ministru, António Ramos da Silva, no Xefe Departamentu ba Komunikasaun Sosiál iha Diresaun Nasionál Diseminasaun Informasaun ba Sekretaria Estadu Konsellu Ministru,  Orlando da Conceição, partisipa semináriu kona-ba Kódigu Etika Jurnalistiku nian durante loron tolu, hahú hosi loron 28 to’o 30 fulan Setembru, iha Kupang, Nusa Tenggra Timur (NTT), Indonézia, ne’ebé oraganiza hosi Instituisaun Imprensa Dr. Soetomo, Jakarta, Indonézia servisu hamutuk ho Embaixada Noruega nian iha Indonézia.

Matéria ne’ebé sira ko’alia durante iha semináriu ne’e mak hanesan “Kontrola Konsellu Imprensa(Dewan Pers Indonesia) Iha implementasaun Kódigu Etiku Jornalistíka nian, Étika Kobertura Notisia nian, Influénsia Envelope ba Independénsia Jornalista no Imprensa, Linguajen Imprensa nian ne’ebé viola kódigu étika jurnalistika nian, Direitu ba Resposta, Direitu atu Halo Koresaun Públiku no Direitu atu Rezeita hosi Jornalista no rezolusaun ba Konflitu públiku ho Imprensa kona-ba notisia liu hosi aspeitu Lei nian “

Asesór Komunikasaun Sosiál ba Primeiru-Ministru, António Ramos da Silva, hateten iha semináriu ne’e katak “Liberdade Imprensa Iha Timor-Leste eziste tanba Kompromisu hosi Lideransa Nasaun foun nian ne’e rasik, hanesan, Primeiru-Ministru, Kay Rala Xanana Gusmão no Prezidente Repúblika, José Ramos-Horta ne’ebé sempre defende maka’as liberdade imprensa iha Timor-Leste”.

António esplika tan katak “Ezisténsia liberdade imprensa iha Timor-Leste haree mos hosi fatór oioin, hanesan, Prosesu luta ba ukun rasik an, iha prosesu ne’e papél média importante tebes atu fó sai informasaun ba mundu kona-ba problema ne’ebé Timor-Leste hasoru, fatór ida tan mak, Lideransa Nasaun foun nian ne’e, hanesan Xanana Gusmão no José Ramos-Horta, ne’ebé hanesan mós eis jornalista, no fatór seluk tan mak prosesu forma jornalista sira iha Timor-Leste, tanba maioria Jornalista sira ne’e, mesak eis ativita. Tanba ne’e mak sempre mehi ba liberdade imprensa iha Timor-Leste. Tenik Nia.

Iha fatin hanesan, eis Prezidente Konsellu Imprensa Indonézia, (Dewan Pers Indoneisa), Atmakusumah Atmadja, rekoñese katak liberdade imprensa iha Timor-Leste di’ak liu iha Indonézia, tanba misaun UNTAET nian iha Timor-Leste hatuur Kódigu Prosesu Penál Indonésia nian (KUHP RI) hanesan lei subsidiáriu ida iha Timor-Leste no iha orden ezekutivu UNTAET nian, númeru, 2/2000, ne’ebé iha nia substánsia atu elemina artigu 310-321 Kode Penál Indonézia nian ne’e (KUHP) kona-ba difamasaun no kalunia, ho sentidu katak difamasaun la’ós nu’udar asaun kriminál, ne’e signifika katak kazu difamasaun bele halo de’it asaun liu hosi prosesu sivil. Atmakusuma hatutan tan, organizasaun imprensa iha Indonézia luta durante tinan barak nia laran ona, atu muda tiha artigu 310-321 iha KUHP indonezia nian ne’e, tanba kriminaliza defasaun la fó vantazen ba lilberdade imprensa. Tenik nia.