Governu Timor-Leste

Ministériu Turizmu Komérsiu no Indústria ho Ministériu Saúde hetan apoiu hosi UNICEF no USAID, iha sesta-feira, loron 9 fulan Setembru 2011, hala’o lansamentu dahuluk ba masin Iodohosi masin lokál iha Suku Aidabakleten, sub-distritu Atabae, Distritu Bobonaro.

Programa lansamentu masin Iodone’e ho objetivu atu habelar informasaun ba iha komunidade sira atu bele konsume masin Iodone’ebé sei produs iha Atabae hodi previne moras kakorok boot no mal nutrisaun.

Inspetór Auditoria Interna, Ministériu Turizmu Komérsiu no Industria, Luis Inacio Fernandes hateten, “MTKI koopera nafatin ho Ministériu Saúde atu kontinua promove masin lokál hodi fó koñesimenu ba komunidade sira atu konsume.

Luis Inácio informa liután “MTKI garante apoiu nafatin ba programa ida ne’e, hodi bele habelar liután iha Distritu sira ne’ebé mak iha poténsia atu produs masin hanesan iha Distrtu Manatutu, Baucau Manufahi no Covalima,nune’e mós MTKI sei kontinua buka merkadu ba masin iodobainhira nia produsaun hahú dezenvolve ona”.

Vise Ministra Saúde, Madelena Hanjam, ne’ebé mak marka prezensa mós iha fatin serimónia lansamentu ne’e hateten, “Governu halo polítika lansamentu ba masin lokál ho Iodone’e, hodi Timor-Leste bele livre hosi móras kuran Iodu, atu inan isin-rua no labarik sira hetan saúde di’ak”. Madalena Hanjam ne’e husu ba inan isin-rua sira labele konsume masin importa hosi nasaun seluk maibé tenke sosa masin lokál ne’ebé mak ho Iodu.

Tuir rezultadu peskiza ne’ebé mak Minstériu Saúde halo katak, populasaun Timor Leste 90% konsume masin, maibé hosi númeru ida ne’e, 45% la konsume masin Iodotanba ne’e móras kakorok bo’ot no mal nutrisaun domina iha Timor-Leste.