Primeiru-Ministru simu vizita husi Eis Primeiru-Ministru Reinu Unidu
Eis Primieru-Ministru, Reinu Unidu (Inglaterra), Tony Blair, vizita Primeiru-Ministru, Kay Rala Xanana Gusmão, iha Palásiu Governu, Díli, loron segunda 22, fulan Agostu.
Hafoin hasoru malun ba públiku, Xanana Gusmão deklara katak “Timor-Leste hetan onra bo’ot tebe-tebes tanba Tony Blair, hanesan governante ida ne’ebé uluk fó apoiu bá prosesu ukun rasik an, liu-liu hau sei iha prizaun, Cipinang, sai hosi kadeia Cipinang ha’u bá iha embaixada Reinu Unidu nian no mós iha tempu nia governasaun nia fó apoiu maka’as ba Timor-Leste nia ukun an”.
Iha vizita ida ne’e, eis Primieru-Ministru Tony Blair fó motivasaun ba ita tomak no nia prezensa iha ne’e hanesan amigu bo’ot ida, hanesan ema koñesidu bo’ot tebe-tebes iha Europa, aleinde ne’e nia mós iha Afrika servisu hamutuk ho maluk sira seluk ne’ebé presiza tulun, ne’e duni ita tenke kontente tebe-tebes, aleinde fó kontribuisaun hodi bele hadia ita nia rain iha futuru”, hateten Kay Rala Xanana Gusmão.
