MAEOT inaugura projetu Programa Dezenvolvimentu Lokál iha Oe-Noah
Ministru Administrasaun Estatál no Ordenamentu Territóriu (MAEOT), Arcângelo Leite iha loron 1 Jullu, inaugura Eskola Primária Filiál Oe-Noah, suku Bobometo, sub-distritu, Oesilo, distritu Oe-cusse.
Orsamentu ne’ebé gasta ba konstrusaun eskola filiál ne’e mai hosi projetu Programa Dezenvolvimentu Lokál (PDL) tinan fiskál 2010 nian, ho montante orsamentu hamutuk $.19.752 Kompañia ne’ebé kaer projetu ne’e mak, Fallo Caba Unipesoál, ho durasaun fulan tolu, hahú hosi fulan Outubru no remata iha fulan Dezembru 2010.
Ministru Administrasaun Estatál no Ordenamentu Territóriu, Arcângelo Leite, hodi Governu nia naran hato’o agradesimentu ba Bento Bobo nuda’ar Xefe suku, tanba oferese ona rain ba konstrusaun eskola ne’e. Ne’e duni ha’u husu ba estudante sira, inan-aman no profesór sira atu kuidadu eskola ne’e ho didi’ak hodi bele uza to’o tempu naruk ba prosesu aprendizajen labarik sira nian iha futuru”.
