Governu Timor-Leste

Haree ba nesesidade populasaun nian ne’ebé iha, Ministériu Saúde iha área saúde nian balu ne’ebé nia konsidera sai hanesan prioridade.

Jestaun integrada saúde inan no oan nian, ne’ebé inklui kombate hasoru nutrisaun la di’ak inan nomós oan; kontrolu ba moras sira hanesan malária, tuberkuloze no HIV Sida; saúde mentál, saúde ferik katuas sira nian no moras sira hanesan hipertensaun, diabetes, asma, komplikasaun iha rins; no moras sira seluk sai hanesan área hirak ne’ebé tau liu iha konsiderasaun.

Buat hirak ne’e labele la’o sés husi asaun lubun ida ne’ebé iha ligasaun ho jestaun no investimentu iha área sira rekursu umanu (profisionál saúde nian sira) no iha infraestrutura móvel no imóvel sira (transporte no ekipamentu médiku nian sira).