Timor-Leste partisipa iha sorumutu ASEAN-Xina kona-ba Tasi Súl Xina no kooperasaun rejionál
Vise-Ministra ba Asuntus ASEAN no Lider Timor-Leste iha Sorumutu Reprezentantes Altu Nivel (SOM) ASEAN nian, Milena Rangel, lidera delegasaun nasionál iha SOM ASEAN-Xina ba da-26 kona-ba Implementasaun Deklarasaun Konduta Partes iha Tasi Súl Xina (ASEAN-Xina SOM-DOC), ne’ebé hala’o iha loron 21 fulan-maiu tinan 2026, iha Kuala Lumpur, Malázia. 
Iha sorumutu ne’e analiza kona-ba progresu sira iha implementasaun Deklarasaun Konduta Partes iha Tasi Súl Xina (DOC) no debate oinsá atu avansa negosiasaun ba konkluzaun Kódigu Konduta iha Tasi Súl Xina (COC)
Iha loron hanesan hala’o mós Konsulta Altus Funsionárius ASEAN-Xina ba da-32, iha ne’ebé avalia avansus hosi relasoins entre ASEAN no Xina no mós diskute área kooperasaun sira iha futuru, iha kontextu aniversáriu dalimak hosi Parseria Estratéjika Abranjente ASEAN-Xina.
