SEJD partisipa iha sorumutu Konsellu Rejionál Ázia Pasífiku
Sekretáriu Estadu Juventude Desportu, Miguel Manetelu, partisipa iha Sorumutu Konsellu Rejionál Ázia Pasífiku nian ba-dala 11 iha Nova Deli, iha India, hahú hosi loron 5 to’o 9 fulan Abril.
Objetivu hosi partisipasaun Timor-Leste nian iha sorumutu, iha India ne’e, atu hametin rede servisu ba estabelesimentu Prémiu Nasionál ne’ebé iha rekoñesimentu internasionál” hateten Sekretáriu Estadu.
Miguel Manetelu mós hatutan, Sekretariadu ba International Youth Award Program aseita atu fó formasaun ba formadór sira ba Award Leader iha Timor-Leste, no aseita mós atu prepara serimónia fó Prémiu ba Foin sa’e sira ne’ebé kompleta ona sira nia formasaun iha nivél Bronze nian.
Sekretáriu Estadu, hateten mós katak, reprezentante hosi Sekretariadu Konsellu Rejionál nian sei mai Timor-Leste hodi halo formasaun no prepara serimónia iha fulan Juñu tinan ida ne’e.
