Governu diskute Prioridade Nasionál sira ba tinan 2012
Seg. 11 abril 2011, 18:31h
Governu hala’o sorumutu ho Diretór-Jerál no Diretór Nasionál sira husi Ministériu no Sekretaria Estadu oin-oin hodi define Prioridade Nasionál sira ba tinan 2012 (yellow Road). Sorumutu ne’e, konta ho prezensa Primeiru-Ministru no membru Governu sira nian, ne’ebé hala’o iha Salaun Nobre Ministériu Negósiu Estranjeiru, iha segunda-feira ne’e, loron 11, fulan Abril 2011.
Aleinde Prioridade Nasionál sira, sei estabelese mós valór sira atu fó (hanaran envelope fiskál) ba Ministériu no Sekretaria Estadu ida-idak hodi ezekuta meta hirak ne’ebé define tiha ona. Valór no Prioridade Nasionál sira ba tinan 2012 ne’e, agora sei lori ba halo estudu no diskusaun hotu tiha hafoin lori ba aprezenta iha Konsellu Ministru hodi hetan aprovasaun.
