Regina de Jesus simu pose nu'udar Vise-Ministra Finansas
Kin. 12 fevereiru 2026, 11:20h
Prezidente Repúblika, José Ramos-Horta, ohin, loron 12 fulan-fevereiru 2026, fó pose ba Regina de Jesus nu’udar Vise-Ministra Finansas Governu Konstitusionál IX nian, iha serimónia ida ne’ebé hala’o iha Palásiu Prezidensiál Nicolau Lobato, Dili. 
Nomeasaun ne’e hala’o liuhosi Dekretu Prezidente Repúblika n. 17/2026, loron 11 fulan-fevereiru, bazeia ba n.º 2 hosi artigu 106.º no alínea h) hosi artigu 86.º Konstituisaun Repúblika Demokrátika Timor-Leste, tuir proposta hosi Primeiru-Ministru.
Regina de Jesus, ne’ebé antes ne’e hala’o knaar nu’udar Diretora-Jerál Tezouru iha Ministériu Finansas, substitui Felícia Claudinanda Cruz Carvalho.
