Governu Timor-Leste

Kapitál  Timor-Leste  nian  sei  hala’o  “Konferénsia  g7+  husi  País  frájil sira”  ne’ebé  sei  realiza  ba  iha  loron  8  fulan  Abril  tinan  2010.

Objektivu  prinsipál  ba  sorumutuk  ne’e  mak  troka  experiénsia    ho  hanoin ida  atu  alkansa  forma  diak  ida  hodi  promove  dezenvolvimentu  sustentável  husi  país  sira  ne’ebé  mak  partisipa ne’e.

Anúnsiu  ba  konferénsia  ne’e  fo  sai  iha Bali  husi  Primeiru-Ministru  iha “Forum  ba  Demokrasia”, ne’ebé  hala’o tiha  ona iha  fulan  Dezembru  tinan 2009.

“Ami  hakarak  asume  ami  nia  responsabilidade  nu’udar   Estadu-Nasaun  Komunidade  Internasionál  no  apoia  dezenvolvimentu no  konsolidasaun  demokrátika  husi  Povu  seluk  ne’ebé  mak  terus, hodi  uza  ami  nia  experiénsia  kolektiva  rasik” hateten  Primeiru-Ministru,  Kay  Rala  Xanana  Gusmão,  liu  husi   diskursu  ne’ebé  hato’o  iha  Forum  no  akresenta  mos  katak:  “ Ami  sei  explora  tema  ne’e   iha  sorumutuk  internasionál  oin  mai  iha  Díli  kona-ba  Estadu  frajil  sira, iha  fulan  Abril  oin mai,   ne’ebé  sei  partisipa  país sira husi  mundu  tomak”.

Aleinde  Timor-Leste, halo  parte  ba  "g7+"  husi  Estadu  frájil  sira,  mak  hanesan  Afganistão, Republika  Sentru-Afrikana,  Repúblika  Demokrátika  Congo (RDC), Serra  leoa,  Haiti  no  Costa  Marfim.