Governu Timor-Leste

Governo dezenvolve  hela Sentru Produsaun Animál nian tolu, iha distritu sira hanesan Manufahi, Oe-cussi Ambeno no Lautén. Maske nune’e, iha mós zona seluk iha país ne’e mak iha kondisaun di’ak atu dezenvolve atividade pekuária no iha ne’ebé Governu hakarak implemeta programa ida ne’e, mak hanesan iha distritu Vikeke, iha kosta sul no kosta norte.

Maior parte husi ema Timor-Leste ne’ebé  hakiak animál, mak kriadór  ki’ik ne’ebé dedika sira nia an hodi hakiak karau-vaka, kuda, bibi, fahi no manu.

Sistema hakiak nian, maior parte  mak sei tradisionál. Sekretáriu Estadu Pekuária salienta katak “timoroan barak ne’ebé hakiak animál la hatene kona-ba ezisténsia  animál nia luhan no métodu hakiak nian seluk ne’ebé di’ak liu. Ami servisu hela atu muda situasaun ida ne’e, hodi aprezenta téknika servisu foun. Importante atu haree mós katak uma kain barak iha Timor-Leste iha animál iha uma – karau-vaka, kuda no fahi nomós manu. Produsaun animál ki’ik sira ne’e mak tulun família sira garante osan ne’ebé sira sei selu ba edukasaun no despeza sira sleuk. Dala barak, dalan prinsipál família sira ne’e nian mak fa’an animál sira ne’e. Liuliu iha fulan Dezembru, ba Santu Natál, fa’an animál atu bele iha osan ba despeza família nian. Ami hakarak hadi’a kualidade husi kriasaun animál sira ne’e nian atu garante alimentasaun ne’ebé di’ak ba populasaun.”