Governu Timor-Leste

Timor-Leste nia beleza naturál, patrimóniu kulturál, no lokalizasaun estratéjiku oferese potensiál signifikativu nu’udar destinu turizmu ne’ebé sustentável. Hodi promove oportunidade ida ne’e, Governu, liuhosi Ministériu Turizmu no Ambiente, iha kolaborasaun ho Gabinete Ministru Koordenadór ba Asuntu Ekonómiku no Korporasaun Finansas Internasionál (IFC), sei sai uma-na’in ba Fórum Investimentu Turizmu Timor-Leste 2025  ne'ebe sei realiza hahu'u husi  loron 25–27 Setembru 2025, koinside ho Loron Mundiál Turizmu nian.

Forum ne’e sei halibur emprezáriu lokál , peritu internasionál sira, no mos parseiru dezenvolvimentu sira hodi hametin setór turizmu. Fórum Investimentu Turizmu sei foka ba asuntu sira hanesan polítika no estratéjia turizmu nian no Rede investimentu turizmu nian. Iha sorin seluk, durante realizasaun  forum nee, sei iha  mos diálogu ho setór privadu inklui iha mos sesaun klase mestradu  kona-ba turizmu nian.

Objetivu husi forum hodi fasilita rede negósiu, promove produtu no servisu turizmu lokál no fahe prátika ne'ebe di’ak liu hodi enkoraja investimentu.

Fórum Investimentu Turizmu Timor-Leste 2025 hanesan oportunidade krusiál ida hodi hametin kooperasaun, atrai investimentu, no estabelese turizmu nu’udar pilar xave ba diversifikasaun ekonómika nasionál.

Akompaña mós iha Facebook