Ministru Interiór Partisipa iha Programa “Página do Governo” Edisaun da-14 nian
Iha loron 15 fulan-jullu tinan 2025 dadeer, realiza gravasaun ba edisaun da-14 hosi programa "Página do Governo", ne'ebé partisipa hosi Ministru Interiór, Francisco da Costa Guterres, iha estúdiu Palásiu Governu. Transmisaun ne’e sei fó sai iha tempu badak iha Rádiu no Televizaun Timor-Leste (RTTL) no sei divulga iha mídia nasionál sira, nune’e mós iha rede sosiál ofisiál sira. 
"Página do Governo" hanesan inisiativa ida ne'ebé promove hosi Gabinete Portavós, ne’ebé lidera hosi Ministru Prezidénsia Konsellu Ministrus no Portavós Governu, Agio Pereira, iha parseria ho RTTL. Programa ne’e konta ho Nélia Chaves hanesan aprezentadora, Ika Moniz hanesan produtora ezekutiva , no hetan apoiu tékniku hosi ekipa mídia sira Gabinete Primeiru-Ministru nian, Gabinete Portavós no hosi Gabinete membru Governu ne’ebé hetan entrevista. Ninia objetivu mak atu hametin transparénsia no prosimidade entre Ezekutivu no populasaun, atu nune’e bele permite ema hotu-hotu akompaña, ho dalan asesivel no informadu, asaun prinsipál sira no polítika públika sira ne’ebé la’o hela. 
Iha edisaun ida-ne’e, Ministru Interiór aborda temas sentrais hosi governasaun iha setór seguransa interna, inklui prioridades Ministériu nian iha mandatu atuál, kapasitasaun operasionál ba Polísia Nasionál Timor-Leste (PNTL), jestaun no protesaun fronteiras terrestres no marítimas, no hametin servisus protesaun sivíl bainhira hasoru riskus dezastres naturais. 
Durante entrevista ne’e, diskute mós kona-ba medida sira ne’ebé foti hodi prevene violénsia ne’ebé relasiona ho grupus artes marsiais, reformas lejizlativas no institusionais ne’ebé la’o hela, no mós esforsu kooperasaun ho parseiru dezenvolvimentu sira iha ámbitu kapasitasaun institusionál no modernizasaun infraestruturas.
Data ba transmisaun sei fó sai iha tempu badak liuhosi kanál ofisiál Governu no RTTL nian. 
Atu asiste epizódiu anteriór sira “Página do Governo” nian ne’ebé transmite ona, hanehan iha link sira tuirmai:
1. Ministru Obras Públikas, Samuel Marcal -https://www.youtube.com/watch?v=YzgPqD0tU7c
2. Ministru Administrasaun Estatál, Tomás do Rosário Cabral - https://www.youtube.com/watch?v=SSSO60y0Bjw
3. Ministru Planeamentu no Investimentu Estratéjiku - Gastão Francisco de Sousa - https://www.youtube.com/watch?v=hooyotfMkrk
4. Ministru Negósius Estranjeirus no Kooperasaun, Bendito dos Santos Freitas - https://www.youtube.com/watch?v=PIp8kTaXUAA
5. Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino - https://www.youtube.com/watch?v=rYMdrKwizLE
6. Sekretáriu Estadu Asuntus Toponímia no Organizasaun Urbana, Germano Santa Brites Dias - https://www.youtube.com/watch?v=wvQwW5JSaYo&t=24s
7. Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuady Lay - https://www.youtube.com/watch?v=okLlr6vGwdM
8. Sekretáriu Estadu Arte no Kultura, Jorge Soares Cristovão - https://www.youtube.com/watch?v=HS8F9gPG5wA&list=PLkXWxGdMgvb3K6VPWQClTxLcPFxH5HypV
